CANS E NENOS

Din que as familias de Ourense xa teñen máis cans ca nenos.

Paréceme unha decisión intelixente, porque se ben é verdade que, en caso de fame negra, un rapaz, debidamente fileteado e envasado  ao baleiro, dá para comer máis días, non menos verdade é que as autoridades acostuman pór menos pegas cando se fai iso mesmo cun can.

VOCÁBULOS MAXISTRAIS

Algunhas palabras foron tan ben paridas que non precisan de explicacións adxacentes.

Por exemplo:

Estapafurdio

Unha palabra que, aínda que ignores o que significa, chega con lela para saber que iso non pode ser nada bo.

PROPORCIONALIDADES

Curiosamente, o grande interese que nas últimas
décadas senten os países occidentais polo pobo palestino, sempre foi inversamente proporcional ao que senten os países árabes daquela zona.