Paréceme unha decisión intelixente, porque se ben é verdade que, en caso de fame negra, un rapaz, debidamente fileteado e envasado ao baleiro, dá para comer máis días, non menos verdade é que as autoridades acostuman pór menos pegas cando se fai iso mesmo cun can.
Algunhas palabras foron tan ben paridas que non precisan de explicacións adxacentes.
Por exemplo:
Estapafurdio
Unha palabra que, aínda que ignores o que significa, chega con lela para saber que iso non pode ser nada bo.
.jpg)
Déitaste pola noite como cidadán dun país de democracia parlamentaria e érgueste pola mañá como cidadán dun país de democracia presidencialista, no que o presidente decide todo sen contar con ninguén e no que os deputados do Parlamento se comportan de acordo coa lei dos tres C: Consentir, Comer e Cobrar.
Déitaste pola noite crendo que o festival de Eurovisión é unha excrecencia kitsch que sobrevive para darlle ao pobo algo de circo e descobres, ao te ergueres pola mañá, que o festival de Eurovisión é un asunto de Estado de máxima prioridade.
Visto como se move a noite, non me estrañaría que calquera día me atope diante da casa, ao me erguer de mañá, cun monumento dedicado a Massiel de Aragón ou co muecín Uthman Sánchez-Ghazawi chamándonos á pregaria.
 |
| Yuda Raphael |
 |
| Esther Estévez |
Conseguiu levar Galicia ao festival de Eurovisión infiltrando a Esther Estévez baixo o nome de Yuda Raphael.
Eu sempre crera que o papa Francisco era arxentino, e agora souben que non, que era humilde.
Segue aos que buscan a verdade, foxe dos que cren que a atoparon.
O día que quedan os bolseiros facendo as definicións, lense cousas como esta no dicionario da RAG:
pancreatina
Substancia que obtén encimas, se obtén do páncreas de certos animais e se utiliza con fins terapéuticos.
_________
Para entendernos:
PANCREATINA – Mestura de enzimas, xeralmente orixinadas no páncreas, que, por conter fermentos dixestivos deste, é empregada no tratamento de certas dispepsias.
O alcalde que quixo deixar memoria do seu nome, aproveitando que Camilo José Cela fora laureado co Premio Novel.
Esta si que che é unha palabra! Olla pra acó:
Pneumoultramicroscopicossilicovulcanoconiótico,
que, como o su nome indica e calquera pode deducir, significa:
Relativo á pneumoultramicroscopicossilicovulcanoconiose,
é dicir, o que che pode pasar se inhalas a cinsa dun volcán.
Seguindo as rudas e inxenuas analoxías dos antigos, a cinsa dun volcán debería ser afrodisíaca, tanto polo símbolo do lume como pola forma do volcán.
En calquera caso, esta é unha desas doenzas que, con tal de non ter que escribir o seu nome completo, case que é preferíbel morrer.
Sentenza de Confucio posta ao día por Xavier Gorce.
-Publicado en Le Point-
Produto antiidade milagroso e cento por cento recomendábel.
Unha única dose chega para deixar de envellecer instantaneamente.
