Pequena lembranza dos que nalgún momento formaron parte do grupo teatral galego Terceiro Andar, na Barcelona de comezos dos 80.
P. Vázquez, unha das pioneiras do grupo. A súa frase máis célebre, cando nos ensaios esquecía o texto, era: «non mo digades, non mo digades que o sei».
Con ela o simpático e peculiar Xoán Xil.
Anxo Baranga, actor, cartelista, deseñador de decorados e animador das reunións.
Cabo del, Mercedes Oubiña, outra das actrices pioneiras do grupo, que logo abandonaría por motivos persoais.
Manolo García, un actor e colaborador cheo de entusiasmo. Morrería meses despois nun accidente de tránsito con pouco máis de vinte anos.
Entre os seus brazos: Carmen Boixet e Sara Sanjurjo.
Firmino Pereira, un home para todo. De carpinteiro ou electricista a fotógrafo -as dúas primeiras fotos que aparecen neste artigo son súas-, pasando por animador do grupo. A súa frase característica, no momento de montarmos os decorados, era: «Sacade de aí e deixade que o faga eu, porque non valedes pra nada».
O ar de luxuria que transmite esta fotografía, a carón de Sara Sanjurjo, é só aparente... Supoño eu.
Mónica Torn. Actuou con nós nun espectáculo infantil en Castelldefels durante a festa do 25 de xullo.
Foi aquela a única vez en que eu escribín uns diálogos de humor pallasesco, cheos de repeticións e frases de senso ambiguo, que aprendera dos irmáns Tonetti entre outros.
Mercedes García. Actriz, cartelista, deseñadora de decorados e de vestiario.
Esta parece a foto de promoción dunha actriz norteamericana dos anos 50, camisa a cadros e peiteado incluídos. Que Pollyanna perdeu a produtora Disney!
Carmen Boixet, catalana. Aínda que o seu primeiro contacto co mundo galego fora eu uns anos antes, defendeuse moi ben actuando en galego.
Sara Sanjurjo. Unha rapaza á que daba gusto dirixir pola súa gran versatilidade interpretativa. Era plasticina pura. Posteriormente traballaría noutros grupos co nome de Sara Sango.
Falta amentar a Aurelio Fariñas, un dos fundadores do grupo. Non dispoño de ningunha foto súa. Se alguén ten a amabilidade de me facer chegar unha, metereina.
__________
NOTA: As fotos que aquí aparecen, quitado as dúas primeiras, son de propiedade persoal, polo que non deben ser reproducidas publicamente sen o consentimento escrito do autor deste blog.